أسئلةالعالم العربي والله فشلونا
مثلا
انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟
(لا برقص - اكيد بنام !!)
---------
أنت قاعد بمكتبك في العمل لحالك .. يخش عليك واحد من زملائك يقولك
فلان عندك !!
لا فلان حاطه في الدرج !!
يعني المكتب مافيه أحد غيري اكيد مهوب عندي
-----------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !!
(لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !!
(لا افرش اسناني !! يعني ماسك الكتاب شسوي اكيد ادرس)
-----------
انت الحين بالكافيه صدفه شفت واحد من الربع .. قالك هاا شتسوي هنا !!
ابيع مويه) !! لا تعليق
--------------------
لا وتعالو شوفو قنواتنا العجيبه هم واسئلتهم !!
مثلا بالعيد بيقابلون واحد من الناس شوفو الحوار
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت ووجهك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------
يعني اسئله غبيه مثل هالاسئله ماشفت
يالله في أمان الله والله يحفظك من الأغبياء!
لحظة نسيت أسألك: قاعد تقرا الرسالة أحين؟؟
ج: لا قاعد أخيط سروالي
اووووووم الغباء
يا حمودي